ياوجـودي كـل ماشفـت نـور الفجـر بـان
وجد عـودن وخـذت ابلـه ولاحـدن ردهـا
وياوجودي لاسفر الصبح ووحيت الاذان
جـاء عيونـي عـن حـلا النـوم شـي لدهـا
وجد من كسرت يدينه وطاح من الحصان
ولالقـا حـاجـه تخـبـي يـجـي فــي سـدهـا
وياوجـودي كـل ماقلـو ان الظـهـر حــان
قمـت العـن ساعـة الحـب والـعـن جـدهـا
كلها من سبـة الـي ماشفتـه مـن ىزمـان
عيطموسـن كـن نـور القمـر فــي خـدهـا
تحسب اني يوم ماجيت في عيـد رمضـان
جـيـتـه صـعـبـه عـلـيـه ولانـــي قــدهــا
والله اني من رجال لهـم فـي الوقـت شـان
بــس وقـتـي ماصفـالـي ونفـسـي حـدهـا
والله انـي كـل ماجـيـت مــع ذاك المـكـان
تلـد عينـي غصـب صوبـه وانــا مالـدهـا
والله انـي لالمحتـه غـدت عشـري ثمـان
وسـال دمعـي مـن عيونـي وهـي ماودهـا
والله انـي يـوم جيتـه معـصـب وزعــلان
ليـن قــال بلـيـز ريلـكـس نفـسـك هـدهـا
ومن نشدني قال ماجور ويش فيك اتعبان
قـبـت لــه كلمـتـك هــاذي لغـيـري بـدهـا
حكيـهـا حكـمـه لــو تـقـول يالـيـل يـــدان
لاحكـت تقـول تمـزح وهــي مــن جـدهـا
كنـهـا ضبـيـن تـذيـر وقـفـا مــع طـمــان
في فياضن غاطن العشـب الاخظـر خدهـا
درتــن ماتـطـلـع الا بـحـفـل ومـهـرجـان
من بحـورن ماعـرف جزرهـا مـن مدهـا
لــو لمحـهـا عــادل امــام قــال بعنـفـوان
ايه داء كله يال هههههههوي وقبل يدهـا
شكلهـا مالـه حلـي مـن تبـوك الـي عمـان
سعـد ابـو مـن حـط يـدهـا بـيـده وشـدهـا
واهني من شافها شوف في امان وطمـان
لابـسـه روبــن حـمـر والشـعـور تكـدهـا
واهنـي مـن مزهـا مــز مــزن باحتـظـان
مـزتـن تـوصـل معـالـيـق قـلـبـه حـدهــا
والا انا يس امـل النغـس والـي كـان كـان
عايـشـن وقـتــي كـذيــاه جـبـهـا ودهـــا
منقوووووووول
الخميس فبراير 21, 2008 2:20 pm
