من يرخصك بيعه مع الناس بتراب >وقصيده رائعه...

----------
من يرخصك بيعه مع الناس (بتراب) =لاتعـتـرف بالـلـي مــع الـنـاس بـاعـك

اخلـق لنسيانـه مـع الـوقـت الأسـبـاب =ولاتعـتـبـر هـالأمــر قـصــة ضـيـاعـك

وإن كـان قلبـك عـن طـواريـه مـاتـاب =خـلـك بعقـلـك كــان هالـعـقـل طـاعــك

سـافــر مـــع الأيـــام لاتـقـفـل الـبــاب =وخـفـف بهالمعـنـى عـلـوم إنـدفـاعـك

اصـمــد وقـــاوم لاتـخــوَّف وتـرتــاب =خلِّـك قـوي وانـشـر ببـحـرك شـراعـك

دوَّر علـى اللـي يحتـرم درب الأحبـاب =الـلـي طبـاعـه بالـوفـا مـــن طـبـاعـك

لاقــال يـصـدق مايـجـي يـــوم كـــذَّاب =ولاقلـت يِحْسِـنْ بالحـديـث إستمـاعـك

مـن طيبتـه تشـتـاق لــه كــل مـاغـاب =ويشتـاق لـك لاعـاش وقـت إنقطاعـك

تلقـاه بالضيقـه معـك خيـر الأصحـاب =يـزعــل لضـيـقـك مــايــدوِّر وداعــــك

لأخـطـأ بحـقـك يعـتـذر قـبـل تنـصـاب =ولأخطيـت فـي حـقَّـه تـحـرى دفـاعـك

لامن عطى من قلب مايحسب إحسـاب =تلـقـاه قـربــك لأســـود الـهــم لاعـك

حلمـه رضـاك ويلتقـي منـك الإعجـاب =وهــنــاه لامــنــه تــوســـد ذراعـك

روعه هالقصيده اعجبتني ونقلتها لكم اتمنى تعجبكم...